Pakistan Balochistan Conundrum | بلوچستان کا معمہ | اردو ترجمہ

یہ کتاب ایسے حقائق سے بھری پڑی ہے جنہیں پاکستان اور باقی دنیا نظر انداز نہیں کر سکتی۔ حسین حقانی، مصنف /سا بق سفیر تلک دیواشر کی یہ کتاب ایک اہم اور معلوماتی تہلکہ خیز تصنیف ہے جو بلوچستان کے پیچیدہ مسئلے کو سمجھنے کے لیے تمام ضروری معلومات فراہم کرتی ہے۔اس کتاب میں بلوچستان میں بدامنی، وسائل کی سیاست، اور انسانی حقوق کی خلاف ورزیوں کو موضوع بنا کر ان کا تفصیلی جائزہ پیش کیا گیا ہے۔ کتاب میں چین/پاکستان اقتصادی راہداری (سی پیک) بین الاقوامی سیاست اور بلوچستان کی جغرافیائی اہمیت کو بھی زیر بحث لایا گیا ہے۔
اس کے علاوہ ان سوالوں کے جوابات بھی تلاش کرنے کی کوشش کی گئی ہے کہ بلوچستان آخر پاکستان کے لیے اتنا تکلیف دہ کیوں ہے؟ کیا بلوچ شورش پاکستان کی سالمیت کے لیے خطرہ ہے؟ آزاد بلوچستان کے امکانات کیا ہیں؟ کیا بلو چستان کی صورتحال پاکستان کے لیے ناقابل تلافی ہو گئی ہے؟ کیا پاکستانی ریاست اور بلوچ قوم پرستوں کے باہمی مخالف بیانیوں کے درمیان کسی تصفیے کا امکان ہے؟
مصنف نے بلوچستان کے تنازعے کے تاریخی پس منظر پر روشنی ڈالی ہے، خاص طور پر اس کے پاکستان کے ساتھ الحاق اور اس کے بعد وہاں رونما ہی ہونے والے حالات پر اور ان واقعات کے پس پردہ شخصیات پر۔۔یہ کتاب ان تمام پاکستانیوں کیلئے اہم ہے جو بلوچستان کے مسئلے کو تاریخی ریاستی سیاسی انداز سے سمجھنا چاہتے ہیں ۔ مصنف نے نہ صرف تاریخی حقائق بیان کیے ہیں بلکہ مختلف زاویوں سے تنازعے کا کافی حد تک غیر جانبدارانہ تجزیہ بھی کیا ہے۔ یہ تحقیق،
تجزیہ، اور حقائق پر مبنی ایک جامع تحریر ہے، جو سیاسی ماہرین، طلبہ، اور عام پاکستانی قارئین کے لیے یکساں طور پر مفید ہو سکتی ہے۔